أين الضمير ,,,,,,,,,,,,,,,,,,,, كلمات الشاعر عبدالواحد محمد
أين الضمير
,,,,,,,,,,,,,,,,,,
ياصوت حبيس أخرس
بتعانى من حرمان
عميان ومش شايفه
تعبانه م الأحمال
مقشه عكازى
أهى ستر للغلبان
عليها محنيه
وبمثل النسيان
ستين سنه عمرى
عيشاهم ف الأحزان
ستر البنات طلبى
وأهى حجه الشقيان
أحسن ما أمد الأيد
ترجع وماسكه حطام
لو فيه عيون بتشوف
حتقول ما عاد أحسان
ولا للفقير عوزه
ولا أسم أو عنوان
,,,,,,,,,,,,,,,,,,,,,,,,,
كلمات الشاعر
عبدالواحد محمد
تعليقات
إرسال تعليق
شاركنا رأيك فى موضوعاتنا .