((( الحب بلا امل )))
جويا لوحه بتترسم رغم الاسى
يشعاع امل
نوره واصل ماينطفيش
جويا ضحكه بتتقسم رغم الجراح
على كل دمعه ماتخفيش
جويا امل بيعافر ديما مسافر
فى حضن يأسى علشان يعيش
لسه شيلك جوه منى حب عمرى
وانت عايشه بتنكرينى
لسه حاسك حضن دافى
حضن نبضه منحنينى
رغم الوجع لسه فاردلك أدينى
مش بعتبك مش بلومك
انا كل قصدى نتقاسم همومك
خدينى ايد تمسح دموعك
خلينى نبضه تسكن ضلوعك
لسه شايفك الحبيبه اللى دوبها الانتظار
لسه حاسك ساكنه فيه ساكنه قلبى
ذى نبضى ليل نهار
لسه حلمك وحرف اسمك منقوش عالجدار
لسه شوقى ولهفتى لما تغيبى عنى نور ونار
لسه صورتك لسه رسمك لسه بذرة حنينك
فى أرض روحى طرحه ذكرى بطعم الحصار
لسه شايفك بهيه ياصبيه بعيون ياسين
وانت مستنيه يرجعلك بعد غيبة السنين
لسه عايشك حبيبه وافيه فى قلوب العاشقين
لسه ضامم رمش عينى حاضن أدينى
يمكن تكونى محتاجه لحنينى
وانت هايمه فى دنيا واهمه
وكدبه عايمه والقصد تسبينى
الشاعر جمال القياس
تعليقات
إرسال تعليق
شاركنا رأيك فى موضوعاتنا .