اتخللى كمان وابعد أكتر
طب سيب وانا سيب
ونشوف مين هيدوس الأول
مين الأشطر
مين الأقوى مين الأولى يتباع جداً
ويكون نداً للمعركة ويروح يدّن
وتضيق مالطة يتكتم الصوت
فيقوم تحضر كل الأعذار
تتشق الأرض وتبلعنا
والكدب قرار والقرب قرار
والحب جبان مابشاورناش
زى القشاش ماشى بوشه
بيدوس الناس شغال هرّاس
و بعين حمرا ونظرة شياطين
بيغِلْ ف مين
بيخلص تاره من مين ... ولمين
ولناس متعلقة برقابها ف قلوب شياطين
والظن أهو خاب
والتعلب فات ووراه الديب
فاتح ابوابه ف وسط النار
طب سيبت الجنة يدخلّها مين
يااادى الخذلان
ماهو قفل أبوابها وراح
ولا ساب لقدامك اى براح
من شيش مكسور .. لبيبان بإزاز
وباليك بجراح .. خيبة بالألوان
وبيحدف طوب
والهوى كداب مالهوش أصحاب
ولا اى عزيز وأهو وجعه لذيد
والشوق غلاب
الشاعرة رضاعبدالوهاب
تعليقات
إرسال تعليق
شاركنا رأيك فى موضوعاتنا .