إهداء للحبيب بن الكرام
أخي الكبير محمد أبو بكر
في حب أخويا 🕊
يا سيد الكل يا محمد
يا أجمل حد في المخاليق
تملي معايا لما افرح
في ضهري تملي وقت الضيق
في حب اخويا🕊
مفيش ولا كلمة هتكفي
وعمر الحرف مايوفي
هحاول اكتب عن الليالي الطيبين
عن الأماني والمحبة والحنين
عن كل حاجة جميلة كانت زينا
هخاول اسرد ذكريات
في حب أخويا🕊
أنا عشت أحلى عمر فات
شكل الحاجات
طيبة ملامحه وطيارته الورق
وقت المذاكرة ووجودنا جوة المدرسة
كات كل حاجة كويسة
اخويا وعزوتي وناسي
أنا فاكرك ومش ناسي
تروح الناس وبالها يضيق
ووحدك انت تاج راسي
في حب أخويا 🕊
أنا فاكرة حبة غلبانين
فاكرة الصحاب والاهل
والنبي مشتااقين
نفسي ارجع يوم زمان
القى نفسي في المكان
جوة بيتنا
أمي قاعدة بتذاكرلي
اختي عماله تزاولني
أمااخويا كان حبيبي
هو لسه حبيبي بردو
من زمان شايفاه كبير
اه بشوره في كل شيء
كنت بسمع منه دايما
نشتري خاطر الزمان
يضحك الزمان علينا
وابتدينا عمر تاني
قسوة الايام علينا
بس احنا زي مااحنا
معاك مني كتير حواديت
وليك فيا سلام وأمان
يا ورد القلب يا عشمان
يحبك ربي ويصونك
ومين يقدر يعيش دونك
كأنك نوري جوة الروح
كأنك والله سر البوح
كأنك بيت
كأني رضيت
كأن الدنيا لا تساعني
وايه يعني
مادمت في ضهري ومعايا
مادمت يا صاحبي ويايا
أخويا وعزوتي وناسي
أنا فاكرك ومش ناسي
إهداء لأخي الكبير محمد أبو بكر
جميلة يا حبيبتي ❤❤
ردحذفجميلة جداا ❤❤
ردحذفجميلة اوي بجد ♥️♥️♥️
ردحذفجميلة أوي يا حبيبتي أشطر شاعرة وأجمل قصيدة♥️♥️♥️♥️♥️
ردحذفجميله جدا جدا جدا والله العظيم ايه الابداع ده ياعزوتى وناسى
ردحذفما شاءالله وربنا يبارك لنا فيكي وفي زوجك واولادك
ردحذف