السلام عليكم كلمنا عن محمد كافورى الانسان وليس الشاعر
محمد كافورى مواليد 11/9/1991
متى حسيت ان الموهبة جواك ؟
بلاش حسيتها إمتى.. التفتت ليها من تلات سنين تقريباً عن طريق مسابقة في الجامعة
أعتقد إن بإستثناء حاجات بسيطة هتلاقي شخصيتي فـ كلامي جداً.. لحد دلوقتي بقاوم تأثير الشعر عليا بس واضح إني قربت أضعف .. مقدرش أقول شخصيتي عاملة إزاي و عموماً بحب أسيب الحكم لغيري
ما موضوع مسابقة الجامعة؟
هو ببساطة كنت فـ الجامعة و شوفت إعلان عن مسابقة شعر قولت أشوف إيه ده و من ساعتها ونا في المجال بكل طاقتي اللي إتسنزفها
ما موقف اسرتك من موهبتك هل شجعوك ؟
الأهل كانوا و مازالوا حلقة ضعف بالنسبالي بس رغبتي في عكس رآيهم موجودة و بحلم بتغييرها من أول يوم مسكت فيه القلم لأسباب كتير
ايه القصيدة البصمة لمحمد الكافورى
القصيدة البصمة.. بعتبر إن عندي حاجات كانت و لازالت خطوات مهمة جداً بدايةً بـ "شكراً 2015" مروراً بـ "تعرف عادي" و "١٧" و "بحب الحشيش" و "بكتبلها عنكـ" و غيرهم.. بس تظل "١٧" هي التوب طبعاً
الشعر احساس فهل لابد من دراسة العروض
الشعر إحساس + موهبة + دراسة
مفيش حاجة فيهم كافية لتقييم شاعر
تعليقات
إرسال تعليق
شاركنا رأيك فى موضوعاتنا .