تاج التيجاني يا حسكة لا تبكى للشاعرة نرجس عمران
تاج التيجان / #ياحسكة_لاتبكي /
دخلك يا تاج التيجان
ياحسكة دخلك لاتبكي
وحياتك أنا ريقي نشفان
من لما المي حرموكي
من لما بعطشك صابوكي
وخلوكي مبلية و سموكي
بلد المليون ......عطشان
وعاصحرا تراباتك تتكي
عم حس بحلقي يبسان
وروحي عطشا عم تشكي
وحياة الخالق أنا تعبان
واجعني وجعك ياحسكة
مليون وأكتر من إنسان
باسمن عمالي احكي
باسمن شربنا الحرمان
وهالمرة مرة كل تكة
بتعزي الله يا.... بلدان
الحسكة عطشاعم تحكي
هالوغد الإسمو أرد ..غان
ما خلا من المي ...تنكة
يل متلو أبدا مو حرزان
جربانة روحو بلكي
ارحمها بلطفك يا رحمن
وبحلمك وعدي هالوعكة
وهالظلم ما الو ميزان
عالقادر أبدا مو لبكة
يللا ياعربان بهالزمان
ايد بايد بدمعة بضحكة
تنخلي هالعالم ندمان
ومحبتنا نلبس شبكة
تشبكنا أهل و خلان
وبغيرة قلوبن مشتركة
يللا اتحدو يا عربان
بتم العالم صرنا علكة
هالمجد مصفى ضيعان
وقصصناهي هي مشربكة
تنصب من الغضب طوفان
ونحبك ها لقصة حبكة
ترى بكرى مو سهلة كمان
عاولادك تمرق هالدعكة
#نرجس عمران
سورية
تعليقات
إرسال تعليق
شاركنا رأيك فى موضوعاتنا .