مجلة الضيــــــــــــــــــــــــــــــــــــــــــــــــــاء

   أنوبُ اليومَ عن قلبي أردُّ إليه أيامَه فما عادت سوى لهوٍ ونفسُ القلبِ  لوامَه   إيدين مدت إيدين ردت رقصنا ف شبه دوامه قلوب راحت مهب الريح وفجأة المد سوانا  عيون قابلة تعزى ف ليل مافهش نجوم ولا علامه  عزيز ياقلبى لو تصفح  مادام ماتركش فيك شامه يعدى الريح كما يعدى سنين ناصحة وعوامه #الشاعرة_دعاء_النمر #دعاء_النمر ....

 https://www.calameo.com/books/00484436548acb96e2ff5

مجنونة إنتي مجنونة إنتي ياللي ف قلبي وروحي سكنتي عشقت جنانك وبدوب ف غرامك والقلب حبك واختارك إنتي تسوى ايه الدنيا عندي من غير وجودك امتى تشوفك عيني وتقولك وحشتيني واضمك جوه حضني والحزن ينساني ويفوتني واروى قلبي من حنانك وانسيكي ألام احزانك مجنونة إنتي هو ده احساسي بيكي حيرتي وخوفي كتير عليكي وكل الكلام مش كافي اوصف ملاك مخلص وافي هو ده الحب اللي يحكوا عنه هو ده الشوق والحنان اللي اتحرمت منه أنا معاكي بعيش بيكي مشغول بالي وفكري عليكي حبي ف قلبك مسهرك غير حياتي وغيرك ابيع الدنيا وما اخسرك شايف صورتك ف كل مكان مهونه عليا الأيام مابينا مفيش ألام وخصام مجنونة إنتي أنا معاكي ومين قدي قلبك سفينتي ومركبي وشطي وبخطى بيكي حدود واهد اى سدود من يوم ماوافيتي وصنتي محافظ عليكي القلب صاينك وشاري الحب وف ايدي صورتك بتأمل ف جمال وسحر عينيكي مجنونة إنتي... مجنونة إنتي

  قربنا كتير، يمكن أزيد  من شيء متنافر نسبياً قَربنا برغم الإحتمالات      قد تحيا حاجات  وتموت بسببها حاجات تانية  أنا عمري ما فكرت لثانية  إيه ممكن يحصل لو خطيت؟  كان لازم بالوقت احسبها  لو حاجة وجودها بيقتلنا  الأفضل -دلوقت- نسيبها  الغلط الأكبر في الحسابات  بنقلبّ ونراجع فيها  وبنعزل روحنا ف قلب خانات  بعد الأيام ما بترميها  بنراجع إيه، وبنحسب إيه؟  أيامنا وعدت وعاشوها  بنفَتحَّ للناس مشاويرنا  بيكملوا فيها ويمشوها  وبنسرد لله تفاصيلنا  والآخر نحلف: غشَوُّها!  مش بقصد أسرد في الحكايات  لو كنت أقصد كات أولى حاجات      أذكر فيها  عن ناس أخدتنا بذنب الغير!  أو عن جناحات حرموها تطير!  عن رفض لفكرة "نبقى بديل"!   الغلط الأكبر في الحسابات  بنفارق ناس ونحنلهم  الغلط ان احنا اللي بننداس!  ونتوه فـ الذكرى وأماكنهم   الغلط الأكبر فـ الحسابات  بنحط الكل فـ الاختبارات  بنحدد للأشخاص سيرهم  الغلط الأكبر فـ الحسابات  بندِّْفَعَّ  نْاس فواتير غيرهم!  #الشاعرة_دعاء_النمر #دعاء_النمر