متخفيش بقلم محسن سمير

 يا حبيبتي، ما تخافيش من الدنيا، ولا من الأيام الجاية

ده أنا روحِك وقت ضعفِك، وأنا حضنك فـ الحكاية

ما تخافيش م الوحدة، ولا م الليل وسكونه
ده أنا دفا صوتي ف ودانِك، وأنا النور جوّه عيونِك

ما تخافيش م بكرا، ولا من دربك الطويل
ده أنا خطوتك ف سكّة خوفِك، وأنا ظهرك لو تميل

ما تشيليش همّ كلام الناس، ولا نظرتهم ليكِ
ده إنتِ فـ عيني أغلى حاجة، وكل دُنيتي بين إيديّكِ

أنا عندي ركن ف قلبي، مليان بأيامِنا الحلوة
كل ذكرى ضحكة منكِ، كل لحظة فيكي غنوة

كنت عاوز أخبّيك جوايا، لقيتِك مالياني أكتر
إنتِ أوسع من حدودي، إنتِ أجمل م اللي أتصوّر

وإن قالوا لكِ "ده مش باين عليه أثر الشوق!"
ما تصدقيش، ده في عينيّا حنين، وفي سكوتي ألف نَطق

أنا مش بكتم إحساسي، لكني بخاف عليكي
بخبّي الحُب في ضحكتي، وفي نظرة عنيّا ليكي

أنا خايف م الأيام، ومِن إنّك يوم تملّي
مِن بُعدي، مِن سكوتي، مِن إنّي مش زي اللي تتمنّي

لكنّي واعدك، هافضل أحاول لحد النهاية
ولو غابت كل الأحلام… أنا ضيّك اللي باقي


---