حب البلاد السبعه فعينيها
خبط على باب التاريخ من بس ضحكتها
ايقونة الرعب الجميل
من اى عين لو بس لمحتها
محسودة..كلوباترا ....و نفوذ شبه بلقيس
وان جت تغيب فترة ...الشمس
تبقى بصيص
كوكب الهه الشقا .... كان نص قصتها
الحزن كان بيتها...حتى التقت بعينيك
طب ايه بقى يخليك...تنسجلها عندك وتبات على الاوهام
ترفعلها قدك .... وتجيلها فى الاحلام
خلينا محضر خير ... وناولها من طيبتك
حب الجنون قدها
حاسب تموت غيرتك
اسم الله ..دة الحارس
البت تحفة قصر.... ماينولها غير فارس
اسرع مايأوى البرد ..... واحضانه دفيانه
امر النسا مغلوب .... خليك سند ليهم ... والفرقة خسرانه
قاوح عشان القد .... يسوى كنوز دنيا
والحيل زمانه اتشد ... من قصة للتانيه
عنتر عشق عبلته ... وانت ياواد لساك ...بتعد بالثانيه
ازاى تكون حباك... جرب حاجات تانيه
جربت تشغلها ....
فالليل تقوم تسهر ...فالعين تغنيلها
تسأل فدعوة ام ...ام العيون الخضر....ازاى تكون ضلمه واصبح فقنديلها
يامايا ادعيلى ... تعشقنى نص الحس
دة العشق يشكيلى ... انه لو اتجرأت وعشقت من غيرها
يمكن يخس النص
الدعوة مش بالرص ...على قد ماعشقنا
وانا ياامه ....عاشق اوى ...يااهل الله ماتعبنا
النية هجرة هوى..... والنور ده قبلتها
يحرم عليه الدوا .... من داء محبتها
ام العيون استوت .... مكتوبلى اعدى بحور ... وارسى فشطوط بيتها
اصرخ فودن القدر......والصوت
بينطق غزل...
والله حبيتها والله حبيتها
تعليقات
إرسال تعليق
شاركنا رأيك فى موضوعاتنا .