جربت تعيش جوَّا حيطان رضا عبد الوهاب
جربت تعيش جوَّا حيطان نفسك
وتقابل روحك
ف قلب السرداب المتدارى جواك
جربت تروح مطرح مايروح تفكيرك
وتتوه وياك
جربت تشاغل أحلامك
وتطيَّرالبرج الفاضل لجنانبك
جربت تكون فارس مغوار
وتبقى عنتر ف زمانك
جربت تكون بدران وتخون الادهم
جربت مرة ف يوم تندم
جربت تبوح بكلام النفس واسرارها
جربت النوح والبكا 😥 على باب السما
طب جربت تموت وتفوت الجسدالفانى وتعيش ف الروح
جربت تفوت المسموح
جربت تطبطب على روحك
وتداوى ألامك وجروحك
جربت إنك تدخل جوا التانيين
فتكون شخصين
جربت تثور
وتكسَّر زنازين وحصون
وتعدى سور جوا الأحشاء
فتعدى حدود الممنوع
جربت تحب اللى باعوك
وتسامح كل اللى سابوك
طب جربت تسمع لأدان العشق الربانى
وتقيم صلوات جوَّا ضلوعك
جربت تعشق وبطوعك
جربت تفارق وتعذب كل اللى خانوك
جربت تفوق
جربت العقل الموزون
جربت تعمل مجنون
طب جربت تخون
اوعى تجرب
لأحسن تفهم فتقوم تتعب
خليك عايش أقصد
خليك ميت كدا احسنلك
والعب دايما ع المضمون
الشاعرة_رضاعبدالوهاب
تعليقات
إرسال تعليق
شاركنا رأيك فى موضوعاتنا .