لسَّاك واقف برَّه حدودك فؤاد إبراهيم

 لسَّاك واقف برَّه حدودك

 مستنيكْ 

واقف تايه مانْتاش عارف

 لو مِرْواحك روَّح عنَّك

 ولاَّ رجوعَك راجع بيكْ 

فارش فى المجهول أفكارك

 طول مشوارك 

تسأل عن سكنَك عن دارك

 وانتَ مكانك ساكن فيكْ

  لسَّاك واقف تسأل عنَّك

 لسَّاك واقف ضايع منَّك

 لو فكرت حتعرف إنَّك 

بايع نفسك منَّك ليكْ

 عارف ليه ؟ 

علشان عمرك يوم ماحتِلقى

 برَّه حدودك حد شاريكْ .

......................

فؤاد إبراهيم .