الحياة ضحكتلى مرة
بعد ماعشت المرار
قلت مرة هنسى همى
والسعادة بتنادينى
ياللا نجرى فيها نفرح
ننسى أيام المرار
انسى حزنى .. وانسى غمى
وانسى كل سنين انينى
من حنانك شربينى
من عيونك قربينى
من أمل انا شايفه فيكى اسعدينى ..
من همومى .. اخطفينى
من الامى ..هتداوينى
دوقينى طعم جنة
انا عشت عمرى سنين فى نار
عشت عمرى احلم بضحكة
تحلا وياها سنينى
والتقيتك جاية عندى
جاية ومعاكى القرار
جاية نفسك تسعدينى
تفرحينى ..وتواسينى
للاسف كان حلم طاير
زى احلام النهار فجاة
واحدة سمعت رنة
فوقتنى من هيامى
اصحى ياابنى ..
قوم ياشاطر
قلت مين دا بينادينى
ياللا اصحى
قوم لهمك قوم لغمك
انت هتسيب المرار؟
هى دى قسمة حياتك
انت عايش حلم طار
تعليقات
إرسال تعليق
شاركنا رأيك فى موضوعاتنا .