يوميات معلم مطحون .بقلم علا قطب

المعلم 
=====
المهنة الاساسية : التربية والتعليم \ غرس القيم والمبادئ \ 
المهنة الفرعية : لا يوجد

الان 
====
المهنة الاساسية : 
1\الاشراف : اشراف اثناء الحصص وفى نفس الوقت ياخد باله من فصله اه احسن حد من الولاد يجراله حاجة طيب والدور بره ومدرس اتاخر على حصته بردو مسؤولية الاشراف ( عاوزين عفاريت تشرف يا فندم ) دا بالنسبة لاشراف الادوار اثناء الحصص طيب وفى فترة الراحة (الفسحة يعنى ) معقول يقعد يريح ابسيلوتلى نو لا ينزل الفناء مع الاولاد يتكدر وسط الرمل والعفرة والشمس اللى بيطلعها عليه 1500 طالب بيلعبوا عادى جدا (لسه هنتكلم عن الطلبة الكيووووت ) ميشربش بق شاى ولا يلحق ياخد قطمة شنتوتش

2 \ الامن : امن البوابة وامن الفناء وامن الاسوار داخل وخارج المدرسة ههههههه لو لاقينا اى كتابة على السور حنحول مدير المدرسة للتحقيق يعنى مدير المدرسة يجى الصبح يلف الاول حوالين السور الخارجى وبعدين يلف جوه المدرسة وبيعدين يستقبل الاولاد واولياء امورهم
وطبعا امن الادوار وامن الطلبة (وهى عربية التغذية اللى دهست عيل جوه المدرسة عدت ازاااااى ؟ وحنحقق مع مين ؟ ) يعنى مثلا لو عربية خبطتك فى الشارع هنمسك ضابط المرور ونتهمه ونحاسبه ؟ ولا وزير الداخلية ؟ لا طبعا المواطنين هما اللى غلطانين اللى اتخبط واللى خبط وبسسسسسسسسس .... طيب ليه مش بيجبولنا امن زى الجامعات ؟ مين اولى بالحماية يا ناااااس ؟ .....ماعلينا منتكلمش فى الفرعيات كلها حاجات بسيطة

3\ الاحتياطى : اه طبعا المدرس ياخد 24 حصة ( على اقل تقدير ) يعنى ايام 4 حصص وايام 5 وبعدين بقى اللى يغيب من زمايله يدخل مكانه ويحضر حصته ويشرح مكانه 
طيب الاقبال تاريخى على الغياب النهاردة يا فندم ومالو ادى لكل اللى شايلين 24 كل واحد 3 حصص كمان (  ) ها مات ولا لسه ؟ لسه يا فندم طيب قوله على لله اشوفك قاعد فى الفصل بتريح ولا حاجة _ دا للى خد 6 حصص فى اليوم - انا حركب كاميرات مراقبة تقفشكم

4\ الريادة (تزويق الفصل) : الريادة بقى لمن لا يعرف اولا انت بابا وماما وتيتا وطنط وخالو والضيوف وعم عبده البواب وعم عنتر بتاع الفول وكل بيئة الطفل المحيطة بمعنى انك تمثل للطفل البيت الثانى بكل مميزاته مش مختلفين ابدا وده شئ طبيعى دا من الناحية الانسانية والعلاقة الاجتماعية بين الطالب والمعلم كمان ايه بقى غير كده لازم تزوق فصلك علشان يبقى شكله حلو ( فى ميزانية ؟ مش بالضرورة اشترى وطلع فواتير وبعدين نحاسبك طيب لو الفواتير طلعت غلط ابقى اشربها هو انت بتاخد شوية ؟ طيب الفصل لازم يبقى فيه ايه؟ كل حاجة لحد الصيديلية لان الضكطور مش موجود المدرسة مالهاش لا ضكطور ولا ابلة اللى بتدى حقن _ غير ساعتين فى اليوم - لالالالالالا اوعوا تفهمونى غلط الزائرة الصحية بس هى اللى ساعتين اوعى حد يعيا قبلها ولا بعدها الدكتور مش عندنا اصلا طيب افرض بقى حد عيا فى غير مواعيد العيا الرسمية ؟؟؟ نهارك اسود انت معندكش دوا فى فصلك ولا على الكرسى بتاعك اللى مرمى فى الطرقة (لان مالكش حجرة انت بتستهبل ؟ ) طيب نتصل بالتلافون ؟ مفيش للمدرسة اتكلم من تلافونك يا بيه مانت طول النهار بترغى جت على ال 20 مكالمة دول يعنى ؟ بس خلى بالك لو تلافونك فصل شحن اوعى تشحن من كهربة الحكومة ليبقى اهدار مال عام ونوديك فى 600 داهية 
طيب قايمة الفصل والجدول من الاساسيات بالفصل افرض بقى ان فى ولى امر عجبه الجدول وحب ياخد سيلفى معاه هو والمدام والاولاد فى البيت ؟ نهارك مش معدى والله بنتحول تحقيق مين بقى ؟ اللى بيتحول رائد الفصل والوكيل ليييييييييييييييه ؟ وانا مالى ؟ الفصل ده مالوش جدول ليه اشمعنى اللى جنبه ؟ اصل الفصل ده يابيه مش بيمشى على جدول ده بيكتبله روشتات 
ايه الهطل ده؟ اشمعنى مثلا فصل مالوش جدول يبقى الاكيد ان حاجة حصلت مثلا الهوا الوحش عاكسه وطيره لاااااااااا الهوا بتاعنا متربى مش بيعاكس 
طيب احنا اسفين يا صلاح (الهوا ) هههههههههههه 
كفاية كده كلام عن الريادة ؟؟؟؟؟ ولا تحبوا انا لسه البطارية مليانة عندى من الريادة 18 سنة ريادة يا بهوات مع حبة حاجات صغنونة حنبقى نقولها بعدين 

5\ علاقات عامة (راضى اولياء الامور ) : اااااااااااااااه جينا بقى للمنطقة الخطرة 
ولى الامر حبايبنا واخواتنا وكل حاجة بس ...... انا ابنى ......\ ........\........ 
محدش ابنه بيغلط مع انه نفس الابن اللى مدوخه ومغلبه فى البيت يبقى عنده طفلين بس وبنصوت ووووووووو ولما يبقوا عندنا 1500 امال انتم بتعملوا ايه؟ 
ماعلينا ولى الامر دوما على حق ؟ اه 
ولى الامر لما يجيى تراضيه ؟ اه 
ولى الامر ابنه مبيكدبش ولا بيسرح بمامو او بابو ويقول حاجات محصلتش ؟ اه 
ولى الامر لازم يطمن ان ابنه فى اول ديسك ؟ اه (فصل فيه 50 طالب كلهم لازم يكونوا فى الاول  ماااااااااااااشى 
على اعتبار انك طبعا مش ولى امر ........ههههههههههههه لا ماهو انت زميل بقى ولازم تراعى زمايلك وبعدين ايدك فى المطبخ وعارف علشان كده لما بتيجى شكوة من زميل بتبقى طامة كبرى لنا هاااااااااااااااار ملون حتى انت يا بروتس ؟؟ امال لو مكناش دافنينه سوا (ابقوا فكرونى احكيلكم حكاية دافنينوا سوا دى )
نسيبنا بقى من النقطة دى ؟ ؟؟؟ ولا تحبوا نكمل؟ ....طيب بلاش

6\ راعى نفسية الطالب : اه طبعا فى المرحلة الابتدائية مفيش مشاكل ابدا اطفال صوغننييييييين ( وكيوووووووووووووت ) ملايكة الله اكبر مالهومش فى الغلط 
طيب طلبة المرحلة الاعدادية ؟؟؟؟ دول عيال لسه طالعين من ابتدائى حتعمل عقلك بعقلهم ؟
طيب طلبة المرحلة الثانوية ؟ ياسيدى ان كبر ابنك خاويه والواد عاوز يبقى راجل( عليااااااااااااااااا !!!!!! 
والبنوتة اوعى تقرب منها دى على وش جواز واهلها يقطعوك ماااااااااااشى 
ياعم روح ولع فى نفسك بقى وخلصنا انت هتقرفنا ليه

7\ مش هنعينك احنا هنعملك مسابقة وياناخدك ياربنا يسبقنا وياخدك 
فى حالة اننا خدناك فده مش معناه انك خلاص اتعينت لااااااااااااا فوق يا امور لسه فى امتحان ياتعديه يا نجرسك ونقول انك سقطت فى امتحان هايف اى بياع لب بيقرا ورق المذكرات بتاع الدكاترة اللى بيلفه قراطيس للب يفهم عنك 
طيب لو نجحت ؟؟؟؟ هنوديك فى ابعد مكان تركب مواصلتين تلاتة ( ااااااااه مش انت اللى عاوز؟؟؟ ) وكمان توصل بدرى قبل الطابور وتكون محضر الاذاعة ومستنى العيال تيجى علشان تراجع معاهم قبل الاذاعة علشان لو حد غلط فى الاذاعة ( بوها ها ها ااااااا ) وقعت ومحدش سمى عليك 
طيب العيال اللى محضرين اتفقوا عليك ومجوش ( نياهاهاهاهااااا) انت والمشرف واخصائى الصحافة والمدير (الوكيل لا  ) تحقيق انا معنديش يا اما ارحمينى دى خطة دولة فى التعليم عاوزين تبوظوها؟؟؟؟؟

على فكرة 
المعلم كل ده لسه مدخلش الفصل لان .....
اصبح التعليم هو العمل الفرعى فى وزارتنا 
ولله الامر من قبل ومن بعد 
ولسه فى حاجااااااااات كتير اووووووووى بتخلى المعلم 
فريسة لكل اخطاء المجتمع اللى احنا مش سبب فيها بل ضحايا لها زيكم بالضبط 
وكبش فداء لكل اخطاء ( القيادات**** فى - كل - المجالات- مش - التعليم -بس )
ومتهم من كل ذرة رمل فى الدولة اللى له واللى مالوش 
معلش طولت عليكم بس الضغط كتير وفى اخر كلامى فلنجعل جميعنا شعارنا الاية الكريمة ( واتقوا يوما ترجعون فيه الى الله ) فالله شاهدى والله رقيبى