الكائن الزهايمرى بقلم علا قطب
الكائن الزهايمرى
ودا بيمشى فى خط متوازى مع الكائن الاربعينى
تقولش اصحاب مثلا او فى وصل امانة على حد منهم للتانى
المهم بقى هنتكلم عن صفات هذا الكائن وهى تتطور من 1 الى 3
اولا : بينسى
ثانيا : مش بيفتكر
ثالثا :بيمسح اللى بيدخل مخه اول باول
طيب ايه بقى الفرق بين ال 3 صفات دول
بينسى .... عادى زى ما اى حد بينسى بس لو فكرته بيفتكر
مش بيفتكر ..... ودى مرحلة اصعب شوية تيجى يفكره يحلف ميت يمين انه محصلش وتديله علامات وبراهين يجرى وراك انت وبراهينك قائلا جملة مشهورة جدااااا ( انت هتجننننننى )
طيب ثالثا بقى ؟؟؟؟
حتلاقيه بعد ما تكلمه وتحاول تفهمه بيرد عليك ويقولك
انت مين اصلا ؟
الكائن الزهايمرى محبوب جدا فى حالات
استلفت منه فلوس
قولتله سر
طلبت منه طلب وبعدين غيرت رايك
كان شاهد رئيسى عليك فى كارثة من كوراثك
وامتى بقى بيكون لعنة ؟؟ فى اى موقف تانى
على سبيل المثال :
زوجة مع زوج زهايمرى (وان كنت اشك دول بسم الله ماشاء الله مخهم ايه شغااااااااااال بس بيستعبطوا )
بابا
نعم يا حبيبتى
مش حتدينى فلوس الفستان اللى قلتلك عليه ؟
فستان ايه ؟
اللى شوفناه امبارح
هو احنا امبارح كنا فين؟
يابابا لما خرجنا واتمشينا بعد زيارتنا لاونكل مصطفى
وكمان فيها مصطفى انتى بتستعبطى مين مصطفى ده
ايه يا بابا دا يبقى عمك انت مالك فيك ايه ؟انت هتستعبط ؟؟؟؟؟؟؟؟
استعبط انتى مين اصلااااا؟
ويخلع الزبون ههههههههههه
والان هل انت كائن زهايمرى وفى اى مستوى
تعليقات
إرسال تعليق
شاركنا رأيك فى موضوعاتنا .