قلب الليل بقلم الشاعره شاديه ياسين
" قلب الليل "
في قلب الليل بيحلالي
أكتبلك في الهوا مواويل
لعيونك إنت يا غالي
غرامك خلي قلبي أسير
بحبك رقه جنون بسمه
بحبك بتخطفني من همسه
بحبك نفسي أوصفها
و أدرسها لكل الناس
في قلب الليل قمر عالي
معاه أنا بنسي نفسي بضيع
و أخدك في حضني بعينيا
أغيب ع الوعي و أفضل أطير
معاك مش ممكن أعرفني
معاك بنسي حروف أسمي
معاك بتوه لو تلمسني
مفرقشي بين شتا و ربيع
في قلب الليل سما صافيه
و طيور صوتها حلو جميل
أحاسيس مكنتش أعرفها
غير لما سبت قلبي يميل
عيونك بتاخدني من ناسي
عيونك بتضم إحساسي
عيونك فيها حنان صافي
يا أجمل حب دوبني..
تعليقات
إرسال تعليق
شاركنا رأيك فى موضوعاتنا .