وأنا من يوم ماحبيتني
بقيت أجمل بشوفني بجد بنوته
وعايشه معاك ف حدوته
حتبدأ بس مش خالصه
ولا مره نقول توته
كأني مراهقه او لسا
ماجربتش معاني الحب
ولما يرن تيليفوني
يدق القلب
مع صوتك
يزيد الدق مية دقه
ولما تقولي ياحبيبتي
مابقدرشي أقول لاءه
وكل كياني يتلخبط
وأنا وياك
ماانيش فاكراني بالمره
ولا عارفاني من بره
ملامحي كلها أحلى
عيوني سوادها بالكحله
بستناك
بشوفك عمري وحياتي
وحلمي اللي أكيد آتي
دعيته ف كل صلواتي
أكون وياك
ياريتك تسأل القِبله
أنا أيوا صحيح عاقله
لكني لما حبتني
بقيت عنتر وأنا عبله
فمن فضلك
بلاش تكسرني أو تهجر
وعن غيرك بلاش تسأل
وما تصحيش أسى وجروح
وشمتك جوا شرياني
وسميتك حبيب الروح
============= أمل صيدم
تعليقات
إرسال تعليق
شاركنا رأيك فى موضوعاتنا .