" حبة صور "
حبة صور هما اللي
فاضلين ع الحيطان
بيدمعوا
رافضين يعدي الزمان
أمتي بقي حترجعوا
الليل طويل مفيش نهار
و روحنا عرفت اللإنكسار
أرجوكم مني إسمعوا
وطن بغربة إتبدلت
كل الحدود
إحساس بيُتم
و إنتوا لسه في الوجود
متغربين عن الديار
بتجمعوا فلوس و ناااار
إرجعونا محتاجين لكم
و كفاية بقي سفر
و عذااااااب
قلوبنا تعبت م الغياب
و لا مال قارون
حيعوضنا الأمان
والحنااااااااااان
وحشتنا ضمت حضنكوا
إرجعوا قبل الأوان
قبل ما نضيع م الآلام
صدقونا مفيش كلام
يقدر عنا يعبر لكم..
تعليقات
إرسال تعليق
شاركنا رأيك فى موضوعاتنا .