الحكاية م البداية كانت واضحة وباينة
وانتي معايا كان كل همك
تنسي ألامك وماضي ف حياتك
وتوهميني انك ماكنتيش ابدا
ف يوم خاينة
من طيبة قلبي
صدقت عينيكي وعشقتك
وبروحي فديتك ما جرحتك
وحافظت عليكي
وما خنتك
ليه خنتي قلب ف حبه ليكي
بعدتي عنه وكان هو شاريكي
قربتي مني عشان تنسيه
عملتي نفسك بتحبيني وقلبك وروحك فيه
وساعات تقولي بتعشقيني وتجرحي فيه
وفجأة تمشي وتسيبيني
وتحني ليه
فاكرة انك ح تعذبيني برجوعك ليه
مبروك عليكي ارجعي له
واحلمي بيه
ويوم فرحكم اجي ابارك واجي اهني
وافرح معاكم والورد أهديه
الحكاية من البداية
للنهاية كانت واضحة وباينة
الحكاية... الحكاية
كلمات
إسلام السيد حسن
السيد سالم
عامر
تعليقات
إرسال تعليق
شاركنا رأيك فى موضوعاتنا .