صباح الفل يا ماريا
يا أجمل آيه وهديه
صباح الورد يا غاليه
وبحرك يبتسم ليا
فيرسم فرحه ف عنيوني
عليكي الكل حسدوني
صباح ناسك على الكورنيش
أموت فيكي و ارجع أعيش
دا حضنك ليا حضن الأم
وغير حبك بجد ماليش
يا ساكنه عروقي وملامحي
وشمسك لو غيطان قمحي
رمالك ع الشطوط ناعمه
مدينه ولا دي نعمه
يارب تدومي يا مدينتي
فنونك مكتبه ومسرح
وفيكي الزائرين تسرح
يا بلد الفن والآداب
وفيكي نوابغ الكتاب
وأعلامك من الشعرا
وتاريخ الجدود يشهد
بحبك قد بحرك موت
يا سكر قهوتي المظبوط
ما أنيش للعشق دا ناكره
يا ماضي بيربطه بكره
----------------
تعليقات
إرسال تعليق
شاركنا رأيك فى موضوعاتنا .