قالت ياللي نطلع فوق
ونفرش ع السحاب بستان
ندوب ف القلوب الشوق
و ناخد صوره بالالوان
***
قولت حببتي بكره نشوف
قلبي اتعود ع الحرمان
عينك شايفه عندي ظروف
عايش حبك ف الكتمان
***
قالت حبك كان مكتوب
بان تاثيرو عليه كمان
دوقت الحب لقتني بدوب
حتي الخوف حسيته امان
***
قولت حببتي كلك ذوق
رجعتيني زي زمان
طبع الدنيا لما تروق
تزرع فرحه ف كل مكان
***
قولت وقالت حلو الدور
تسلم و الله ياواد فنان
تسحر حتي بنات الحور
حلو كلامك كلو حنان
***
قولت الفضل هايرجع ليكي
مدي القشه للغرقان
و ان كان قلبي قاسي عليكي
بطلب من قلبك غفران
تعليقات
إرسال تعليق
شاركنا رأيك فى موضوعاتنا .