عمود النور ف ساقيه يدور
يبان ف اليل واخرو صباح
يبات عصفور ف ارضه البور
تغمض عينو ع المصباح
يقوم مفزوع ف نص اليل
كبوس النوم كاسرله جناح
وبين السلك و المسمار
حيات اليأس و المسموح
شمس تشق ليل محتار
تبين ضحكة التفاح
وغصن لمون و. عود نعناع
يمد الورد للمداح
يقرب منه وين ما يكون
و يوصل بيه لخط كفاح
ساعة ما بترجع الاحزان
يقول لسجينه غلطة سماح
تقرب كاميرا تاخد زوم
تضلل ع الجروح بوشاح
وتطلع صورته ف الالبوم
تقوله كفايه وقتك راح
عارفه الاخره حافظه الدور
تشتي الدنيا دموع تمساح
وبنات الحور تعلي السور
وتقفل باب ملوش مفتاح
وبره السور عذاب النار
وجوه النار ما فيش مرتاح
تعليقات
إرسال تعليق
شاركنا رأيك فى موضوعاتنا .