جاي الفرح ؟؟؟
مهما ان كنت تعاني الجرح
جاي الفرح
تلقى رمال البحر اللاسعة
احساس حرق
فوق المطرة عناقيد عنب الحب ترعرع
نبتته طرح
تبعت شوقك جوة سحابة صيف وتعدي
بيغيب همسك ؟؟؟
ارمي الزهر بضربة حظ
وضربة شمسك
نسيني بكرة
وخليني فاكر
بس الامس؟
اخفي سلاح الغدر اتمرد
نفسي اموت مكتوب على قبري
المغفور له المرحوم
(( من فضلك ممنوع اللمس ))
ميت ماتت فينا حقيقة
كام من مليون الف طريقة
مرة الدبح
ومرة الجرح
مات مهموم من كتر الفرح ؟؟
بسال واسال ؟؟
لسة عيونه بتطرح شرح
جوة عيونه زارع صبر
رغم دموعة محفوظة جوة قصيدة حروفها
مش مروية رغم سيولة ف عرق الدبح
حاجة غريبة
تصريح دفنه
ماضي عليها
قاتلين شرايينه اللي خافيها
في نص الورقة كاتب فيها
انا مش قاتل
والمقتول طالبين له الصفح
واتكفن
عايش ف الحفرة
دفنوا كرامته
جوة الدنيا
علوا عليها مليون صرح ..
حتى التربة مش لاقينها
بنو عمارات فوق جثث الموتى
والدود بينخور في اساسها
والادوار متقسمه بينهم
فيه كومبرس
وبطلنا الباني ف ملامحة
هادم احلام رغم الوجع الظاهر منه
كرمش همه
ساب معشوقته
عمره ما بدل دوره معاها
وعاش احساسها
شربت كل انواع القهرة
ورغم دة كله ممكن تغفر
بانية مدينة جوة القلب
عنوانها منطقة الصفح
تعليقات
إرسال تعليق
شاركنا رأيك فى موضوعاتنا .