( اليتيمه )
يتيمه الدمعه
بين اطراف الجفون
تايهه بياصوب تصگط لوتطيح
مالها اچفوف
التنشفها بحنان
ومن هظمها فرد لحظه تستريح
اتحملت شكبان
هم من السنين
وشالت اصبيها مثل طفل الجريح
ساعه بيها اتلولي
وتهود الاوجاع
وساعه تطلگ بيها والوجنه ذبيح
الغربه تاخذها
وترد بيها وتعود
مثل ناقوس ويرن حيل ويصيح
باتت بحلم الصبه
ترجى الحياة
والامل لابد يفز ميظل شحيح
حتمن البسمه
تدگ باب الحزان
مهما طالت مايصح الا الصحيح
الشاعر
عبدالكاظم الساعدي بغداد العراق
تعليقات
إرسال تعليق
شاركنا رأيك فى موضوعاتنا .