خلاص مسافر
مبقتش لاقى لجرحى آخر
جايز ألاقى حضن تانى يضمنى
يمكن عيون بنظره تانيه تشدنى
بعد اللى راح مبقتش حاجه تهمنى
خلاص مسافر
والجراح هيه اللى رسمت خطوتى
جرح وألم...ورقه وقلم ...
كل اللى خدته فـ رحلتى
واخد جراح العمر من غدر الحبايب
قصدى اللى كانوا فـ يوم حبايب
واخد قلم يكتب عن القلب اللى دايب
يكتب حكايتى وقصتى...
يرسم نهاية سكتى ...
والفرح غايب
خلاص مسافر
والجراح هيه الجراح
ولا عادت دمعه تنزل ع اللى راح
ولا يوم ياخدنى حنينى ليك والذكريات
ولا يوم هيجمعنا الفرح..
ولا يوم هتجمعنا حكايات
دا معدش باقى فـ قصتى غير السكات
خلاص مسافر
----------------------------------------------------
ابومهاود
محمد احمد حسن
تعليقات
إرسال تعليق
شاركنا رأيك فى موضوعاتنا .