بقالي سنين للشاعرة أمــل مــاهـر‏.

بقالي سنين
اقول اصبر
مسيره بكرة حيفكر
حيتغير !!!
مسير عقله الكبييييييييير يكبر
ويتاثر
بطيبة لمسها جوايا

والف حكاية وحكاية
بدونها
وبنساها
عشان قلبي ما يتحير
والف رواية تتالف
عشان يقنع
كتير يحلف
وابين له
باني مصدقة حروفه
واقول اصبر
صراحة تعبت .. سوء ظنه
وجوايا الاقي الدمعة سابقاني
والاقينبي بشيل همه
واغمي عيوني عن ظلمه
الاعيبه بقت مكشوفة قدامي
وباستحمل ...
وحاستحمل ؟؟
دة كله ليه
عشان حبه
بقی يصغر
عشان قلبه
وفاكر نفسه سيد الكل
مطاع يؤمر
خلاص مش لاقية جوايا
مشاعر ليه
وليه ؟؟:
وعلی ايه ؟؟
انا ما اقدرش يوم اطلب
يعوضني الحنان والاقيه
فنبعد كل يوم اكتر
تغطي قسوته ملامحه
وصوته اللي زمان نسمه
وخلاني اموت انا فيه
واغانينا اللي يامة كتير
سهرنا عليه
وكام قصة غرامية
عن الماضي
فاشوف نفسي
يدور بيا واشوف غدره
وادوق ظلمة
بتتكرر
وانا واقفة شريط قدامي متكرر
لا عمري كنت اتصور
حيجي دوري
اقولك ايه
انا اشطر
وبتغير
خلاص قررت
اكون افضل
واعيش وحدي
دة ربي كاتب لي كل الخير