متزعلوش منى .. امل ماهر

ومتزعلوش مني
لو قفلت عيوني
من غير ما اودع الدنيا
واضحك
وانسی قلب كتير ظلم
ما تزعلوش مني
وادعولي بثانية
لحظة خروج الروح
ووقف نبض القلب
ابقوا اامسحوا مني
دموعي
وفوق جبيني
بايدين امسحوني
من جوة منكم
وادفنوني
صلوا عليا وادعوا ليا
اوعدوني
ادخل جنتي
من غير الم

اتقفنا
وان كان بينا ميعاد
اتفقنا مهما يحصل
عمر ما بينا عناد
اتفقنا
وافترقنا
واتفقنا
بعد شوقنا
مرة تانية
شوفنا ايام الاسية
خوفنا نبعد
ورمينا توكلانا علی رب العباد
اتفقنا
بان صعب نتفق
او نفترق
او من فراقنا نتخنق
اتفقنا
اننا نعيش الحياة
وايدينا مشبكينها
مهما حاولوا يفرقوفنا
قولت لي اوعي تسبيني
امسكي فيا
وخديني
البسي لي
حطي كحلة جوة عينك
اضحكي
اوعي الدموع اخفيها جوايا
ف حضني
عايز اشوفك زي نفسي
لو ف يوم ماشية خديني

اتفقنا
نبقی واحد
اتفقنا ان يحميني
يزلل كل كوني
لو ف يوم حد مس شعر مني
اتفقنا ان انا كنت نبوءته
من كاااااام سنة
اتفقنا
وان حلم وجودي
من كتر اشتياقه ليا شوفته
واتفقنا
اننا هو وانا
امته نحقق حلمنا
نكمل العمر الطويل
والايد بتحضن ايد وطيلين السما
واتفقنا
فجأه اتسرقنا
لقينا  كل اللي شافونا
زعلانين من حبنا
نفسهم يبقوا مكانا
هما حاولوا
وافترقنا
قطفوا شوقنا
والحنين اللي في قلوبنا
قالوا دفنينه بايدينا
فرحة جواكم قطفنا
عيشوا انتو بعد متنا
افرحوا واكتبو اشعار بترقص
بعد ما خرصتولنا صوتنا
وافترقنا

سابني غرقانة ف حبه
سابني واتحجج بألمه
واتنسی يوم اتفقنا
.. مش مهم ايه مصيري
مش مهم حاعمل ايه والدموع
حالها زيي
زي غيري
قلب صعب يلاقي نبضه
بعد ما اتعلم علی ايديه
اللي عمره ف يوم ما شافه
ولا حسه
مش مهم
مين اتظم او مين ظلم
مين بعده عانی من الالم
مش مهم
المهم انه يثبت انه سابني
يرضي غيري
والحساب مدفوع ضريبته
بعد موتي
قولت ليه كنت ف طريقي
وايه اللي جابني
جيت عشان الاقي قلبي بيتوجع
واشوف علی ايدك نهايتي

اتفقنا
بس من امتة الفراق بايدين صاحبها
ولا امتة بياخد اي حاجة كان حاببها
في حياتنا
دقنا يامة من المرارة
لو تعيش تحلم
تلاقي الدنيا بتخاصم صحابها
لو تموت يبكوا عليك ساعة زمن
والناس يا عالم عايشة فرحانة
او حزينة
المهم تنسی ايه جرالها
و قافلة بابها

يوم الوداع
بتشيل قناع
والوش مش باين ملامحه
رغم جرحي
لكنه منزوع الخداع
بيقول حقيقته
انه مش ناوي يكمل
انه ناوي بس يهمل
ناوي يقتل
اي بذرة شوق زرعها
مروية بحنانه
داری عليها بكل قسوة
ماتت اوراقها حزينة
كات بتبكي من جنانه
بس دة حال الورق
جوة غصون متشبكة غدر وخيانة
كل ما تمر عليها شمس النهار
في الف ايد تدعي عليها تتحرق
او يدفنوها جوة بير ما له قرار
وهو وحده بايديه انه يصدق
او بنظرة يبعد الكبريت وغازه
لو حيشعل
صعب حد يطفيها
او يداوي جرح فيها
نارها بدءأها بشرار