حلم الرجوع
كنت فاكرة لسة بحلم
بعد ما اصحى
القى سني هو هو
ممكن ارجع طفلة تاني !!!!!
مش عحوز عاجر يسلم
كرمش الحزن ف جبينه
غطى دمعه كل عينه
دهر محني
وجعبة من الهم التقيل
بيجرها ..وبيهديهالي
مد ايده جوة جيبه
وقال تعالي
شايفة ورقة
اقري كل كلمة فيها
احفظيها وقت تحضيرها ثواني
بس لما الاكلة تخلص
حطي ورقي .. ونسيهالي
اصلي مش حاقدر ادوقها
بعد ما شاب الزمن
من كتر ما داقها لساني
فاكرة مرة حد قالي
الدنيا غابة
لو طتيتِ كبريائك جوة منك
قولي دايما انتي اقوی
كله حيعدي
ومين ممكن يفك الخط
يقرا اسمي
محفور جوة مني
مكتوب ف قاموس المعاني
اما مر العمر عدى
لقتني بكبر حبة حبة
كنت بابكي مش مهم
استخبى مين يشوفني
مين حيلمح نبرة الحزن
اللي عايشة حوة مني
وايه حيجرى .؟
بس كان الذهن خالي
كل مشكلتي ان حلمي
لما اكبر انسى
وصف عجوز اناني
قولت جوة مني
ليا اني غيره
اني مش شايفة ضميره
هو كان م الحلم خالي
وان حاله
عمره ما كان زي حالي
انهاردة لونت احزاني
شعري شاب وشبت وشفت نفسي
نفس شكل العم
جاني ايدي ماسك
فيها ورقة فيها وصفة .
اللي كنت ف يوم حافظها
واما مر العمر بيا
نديت على اجمل صبية
قولت ممكن تكتبيها
وتشيلها جوة صندوق الاماني
بعد ما عرفت الحقيقة
نفسي ارجع للطفولة
نفسي ما ابقاش البريئة
نفسي اسمع وبسهولة
اي كلمة قولوتهالي
تعليقات
إرسال تعليق
شاركنا رأيك فى موضوعاتنا .