وحشاني .. بقلم الشاعره شاديه ياسين
وحشاني ..
حبيبتي بجد وحشاني
غايبه الفرحة من بعدك
فراقك هدلي كياني
بموووت لو جابوا سيرتك
أداري الدمع ف عيوني
و أجري أوام علي صورتك
أبوسها و أخدها في أحضاني
أكلمها و أستني الرد
يقولولي خلاص ماتت
هو اللي مات بيبعت رد
كلامهم ليا يقتلني
أصرخ و أنا ف عز الصمت
تتملكني أحزاني
ألف الكون و أنا ع الأرض
و أتألم ما بين نفسي
و جوايا أحس ببرد
وجودك كان دفى قلبي
و قلبي بعدك وقف نبض
كتير بيقولوا دي عايشه
مفيش أموات بتتكلم
و أنا بمووت متين مرة
و جرحي جوايا مكمل
بجد تعبت مش قادرة
صعب أن أنا أتحمل
حبيبتي بجد وحشاني
غايبه الفرحة من بعدك
فراقك هدلي كياني
بمووووت لو جابوا سيرتك !!
وحشتيني . . وحشتني..
تعليقات
إرسال تعليق
شاركنا رأيك فى موضوعاتنا .