عيد الميلاد بقلم الشاعرة الغنائية دعاء النمر
عيد الميلاد ..مش بس عيد
ولاتورته تتوزع على الحاضرين..
عيد الميلاد ..مش بس شمعه بتنطفى
ولا كام هديه من الصحاب كـ.. روتين
عيد الميلاد مش بس عيد
ده عمر فينا بيتوئد
وبيتولد.. بعديه سنين
ده وداع لأحلام إنتهت
شرايين فــ روحنا إتقطعت
وسنين بترمينا لسنين
كام شمعه فـ العمر إنطفت
كام ضحكه م الحزن إختفت
كام مره علقنا الضلوع
على.. كام جِدار فــ اتمزقت
عيد الميلاد مش بس عيد
ده كيان وروح وشعور ودم
ده دموع بتفتح جرح لم
ده ذكرى لولادة هموم
كل السنين حفظتها...صم.
تعليقات
إرسال تعليق
شاركنا رأيك فى موضوعاتنا .