المرايا بقلم محسن سمير... محسن الورداني

المرايا

المرايا مش بس ازاز،
دي طريق طويل يوصلنا لناس تانية
لأوقات ضاعت من غير ما نحس،
ولحظات بنظن إنا نسيناها.

كل ما تبص فيها،
تلاقي حاجة جواك مش موجودة،
تسأل: "ده أنا؟"
وتكتشف إنك مش عارف أنت فين.

المرايا مش هتكذب،
هتقولك الحقيقة بمرارتها،
هتوريك كل شيء في قلبك
من غير ما تطلب، من غير ما تقول.

بتاخدك في رحلة
للذكريات اللي مش قادر تنساها،
وفي كل صورة، هتلاقي جرح
وملامح مش زي ما كنت فاكر.

المرايا مش مجرد صورة،
هي لحظة تكشفلك كل حاجة مخبيها.
تقولك إنك لسه مش قادر تعرف نفسك،
وإنك عمرك ما هتكون اللي انت عايزه.

ولما تبص فيها،
وتسأل: "ياترى ده أنا؟"
وفي كل مرة تلاقي نفس السؤال،
والعمر يمر، لا محال.

كل مرة تلاقي ملامحك جديدة،
وذكرياتك بقت شريط بيجري قدامك.

أنت بخير،
انت كويس،
وأيه غير أحوالك؟

في المرايا بتتفرج على السبق،
عمرك راكب رهوان بيجري
وأنت مش عارف إيه الحكاية.

والقصة هتنتهي على أمتى؟
وأيه هي النهاية؟
المرايا مش ازاز،
ده كتاب مفتوح.
تقرأ فيه من البداية