كلمات زي اللكمات
كلمات زي اللكمات
كلماتك زي اللكمات
فـ وِشي نزلت ضربات
لا فيها رحمة، ولا خوف
ولا حتى شوية نَفسات
كنت فاكرك حضن أمان
طلعت الضربة والخذلان
كلمة تقولها تهدّ جبال
تجرح، تنهي، وتكسر كيان
"براحتك" قلتها ببرود
ووشك ما فيهوش ردود
براحتك؟! طب اسمع دي
أنا اللي كنت فـ قلبك جنود
كلمة تهدّ القلب فـ لحظة
وكلمة ترجّعك من غفلة
فيه كلام يتنسى ويفوت
وفيه كلام بـ يفضل وصلة
كلمة زي النار تشوي
وكلمة تبكي، وكلمة تشكي
وفيه كلام ما بيتقالش
بس العينين تفضح وتحكي
خد كلامك، وسيبه وراك
ماعدش فـ قلبي ليك مكان
اللي يقول كلمة يجرحني
ما يسمعش مني اشتياق
تعليقات
إرسال تعليق
شاركنا رأيك فى موضوعاتنا .