الوقت بيجري بقلم محسن سمير

 الوقت بيجري

الوقت بيجري مابيسألش

لا بيحنّ ولا بيتأملش

مابيستناش اللي اتأخر

ولا بيراعي اللي ما كمّلش

مابين يوم وليلة العمر بيعدّي

ضحكة كانت لسه بتهدي

بقت ذكرى في صورة باهتة

والقلب واجع ومش بيهدّي

كان فينا اللي بيحلم بكرة

واللي بيضحك بعيون فكرة

دلوقتي بنجري ومش لاحقين

بنعدّي أيامنا في سكرة

الساعة بتجري ومابترجعش

واللحظة لو راحت ماتسمعش

بنلحق ظلّنا واحنا جري

وننسى نفرح ونرتاح ونعيش

دقايقنا بتطير م الجفون

زي حلم بيفلت في سكون

خد لحظتك وانقشها في قلبك

قبل ما تصبح كان يا ما كان

ويا ما قلوب اتعلقت بلحظة

وفاتت ومارجعتش تاني

وساعات بنعيش العمر كله

نندم عالسلام اللي ما اتقالش فـ ثواني