مواويل من الانين بقلم الشاعر عبدالواحد محمد

مواويل من الانين
بقلم عبدالواحد محمد
,,,,,,,,,,,,,,,,,,,,,,,,,,,,,
سألونى عن الأصل
قولت الأصل من العالى
بن الكرام والدنيا كرمانى
ب ناس وصحبه دمهم م الحر
وأنا لو شربت المر الاقى
الصحبه محوطانى
,,,,,,,,,,,,,,,,,,,,,,,,,,,,,,
قالو الصحاب غدرين
أنا قولت مش صاحبى
أنا اللى صاحب الكرام
وبعد عن الأندال
ولا عمرمره جمعنى
بالندل أى مكان
ولا أخدتو رفيق مره فمشوارى
طول عمرى أماشى الرجال
وفالشده يقولو صاحبى
,,,,,,,,,,,,,,,,,,,,,,,,,,,,,,,,,,,,
بنيت وعليت وطلع البنا خايب
والورد يامه هديت والقلب بلا نايب
وعشمى خاب فالحبايب
اللى هجرونى وراحو وراحلو بعيد
والفرحه راحت معاهم وبقيت الآحزان
وعشت حيران والقلب بات دايب
أنا الزمان هدنى ورمانى ف الأحزان
وكنت عشمان ف الحبيب طلع العشم خايب
,,,,,,,,,,,,,,,,,,,,,,,,,,,,,,,,,,,,,,,,,,,,,,
ياللى زرعت الورد حاسب من الأشواك
الزرعه ليه خابت وحصدت منها فراق
وسهرت يامه ليالى وسقيتها من دمعك
باين عليك السبب ماعرفتش غير العايب
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
أنا اللى ديما ونيسى دمعتى والاه
كاتب حياتى ف كتاب كلام وليه معناه
فى أول السطر بشر حابب لنور الله
وعاشق جمال النبى ونفسى بتتمناه
الحب هوه طريقى وعاشق الورده
مابحبش الا الجدع وصاين المعروف
ولا أماشى خسيس أو أكلمه كلمه
وأبعد عن الندل ولا عمرى أعملو صاحبى
,,,,,,,,,,,,,,,,,,,,,,,,,,,,,,,,,,,,,,,,,,,,,,
قالو عليه بياع كلام وأغانى
زجال ودجال بيقول كلام ف قهاوى
لامم معاه صحبتو وبيحكى ليهم فكلام
فاكر بأنو فنان وهيقول للاحبه غناه
أيه يعنى مره قال ف الحب كام موال
فيه يامه غيره مصدعنا بكلامه
الفن مليان مواويل وأغانى
شوفلك شويه عيال وأعمل ليهم حاوى
وأبعد عن المواويل والغنى أصل الكلام غالى
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
كتبت عاشقك يابلدى والروح بتفديكى
عاشق دروبك وكل حواريكى
والسيده والحسين وقلبك وضواحيكى
عاشق جمال الناس الطيبه والنور
ولمه الولاد ف الجبهه تحميكى
رجال بواسل محررين أرضك بيصونو عرضك
ويقولو تحيا بلدنا ومفيش بايع يعيش فيكى
تعيش يا أرض الرجال بكرم ربنا عليكى
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,