الدم عمره ما يبقى ميّه بقلم محسن سمير (محسن الورداني)

 الدم عمره ما يبقى ميّه

على طبلية فيها الخير،

إخوات قاعدين في ودّ ونور،

لقمة تجمع بين قلوبهم،

وحكاوي تطرح ألف سطور.

ضحكة هنا.. نظرة رضا،

حِلم بيتحاكى عليه،

وفجأة صوت كسر السكون،

والحب راح.. مابقاش.🤔 ليه؟

الأخ دخل، وفي إيده لورد،

نسى إن دمه هو اللي فيه،

كسر فـ ثانية كل حاجة،

وهدّ بيت كانوا بانيينه بإيديه.

مش ساعة فطار.. ولا كوباية،

ده شيء أغلى من الماديات،

العِشرة لو مرة تهون،

مين يلمّ الشمل في الشتات؟

يا خسارة لما الأخ ينسى،

إن السند عمره ما خان،

كان لحظة غضب.. لكن سبّت،

جرح في القلب صعب يبان.

اوعى فـ ساعة زعل تهدّ،

حبّ السنين بلحظة ندم،

ده الأخ لو مهما اختلفنا،

يِفضل هو الضهر والقَدم!