البرجاية ارض الطيبين بقلم محسن سمير (محسن الورداني)
البرجاية أرض الطيبين
دي أرض الطيبين، الناس الجدعان
اللي القلوب بيضا، والضحكة أمان
اللي الخير فيهم ساكن من زمان
وعُمر الجدع ما يبيع الخلان
هنا الشمس تطلع تداعب الغيطان
والنخل يحكي حكاوي زمان
عن ناس زرعوا وحصدوا بعرقهم
ما عرفوش غير الحق عنوان
هنا الجار يسأل على جاره
ويشيل عن كتفه الهم داره
ولو في ليلة الشدة احتاجه
يفتح له قلبه وبابه وناره
هنا العيش والملح ليه حرمة
وكلمة الرجالة مسموعة
لو ضاقت الدنيا بأهل البلد
يكونوا لبعضهم درع ودرواعة
دي أرض الطيبين، أرض الكرم
اللي فيها الحب عمره ما انهزم
فيها الكبير مقامه عالي
والصغير يتعلم القيم
ولو حد فيها يوم وقع
مليون إيد تشيله فوق الرأس
دي الأرض ديماً كانت حصن
وحكاويها شمس ما تغيبش خلاص!
تعليقات
إرسال تعليق
شاركنا رأيك فى موضوعاتنا .