كفاية مسلسلات في رمضان بقلم محسن سمير (محسن الورداني)

 كفاية مسلسلات في رمضان

كفاية مسلسلات في الشهر الكريم،

رمضان عبادة.. مش تسالي وتيم،

مش ناقصين ضحك على عقولنا،

ولا قصص حبّ وهمية في الغيم.

كل سنة نفس الحكاية،

دوشة مسلسلات وإعلانات،

نسيوا إن الشهر للرحمة،

مش سباق تريند وساعات.

الفجر يعدي والناس نايمة،

والمغرب ييجي على الفطار،

والعين معلقة في الشاشة،

مش في كتاب ربٍّ غفار.

ليه كل حاجة بقت دراما؟

حتى العبادة بقينا نأجلها،

نقول نصلي بعد الحلقة،

وللأسف نفسنا نكسّلها.

كفاية بقى.. فوقوا شوية،

رمضان فرصة مش راح يعود،

ما بين قيام وصوم وذكر،

مش مشهد كئيب وقلب مجمود.