ماتت في المسجد.. والجائزة عند الرحمن

 

ماتت في المسجد.. والجائزة عند الرحمن

بقلم محسن سمير... محسن الورداني

ماتت.. وفي إيدها المصحف

لسّه بتتمتم بالآيات

كانت بتجهّز للحلم..

كانت بتجمع فالقلب حياة

لسّه معاها صوت الأذان

لسّه الوضوء فوق جبينها نور

كانت بتسجد.. كانت بتدعي

وكانت دموع الفرح تنور

يا حضرة الشيخ.. قول لأمّها

قول لها البنت خلاص سبقتنا

قول لها الجايزة مش في الورق

قول لها الرحمن كرم بنتها

قول لها الملك هيكافأها بنفسه

قول لها الكوثر سقياها

قول لها الحوريات بتزغرد

قول لها الجنة بتتمناها

كانت بتسابق.. كانت بتقرأ

كانت بتفرح كل الناس

بس اللي فاز.. مش صوتها هنا

ده اسمها اللي على الفردوس نبراس

ماتت في المسجد.. بس فازت

ماتت في الركعة.. بس عاشت

ماتت بآية.. ختمت فيها

وكأنها للجنّة طارت