ياللي الفلوس غرّتك بقلم محسن سمير... محسن الورداني
ياللي الفلوس جريت في إيدك وخليتك تتنطّط
فاكر زمان لما الجوع هَدّك وقلبك كان بيتقطّع؟
فاكر لما كنتَ بتسأل وتطلب من الناس وتدمّع؟
الدنيا حالها بيتشقلب والوقت مش مضمون حاله
يوم ليك ويوم عليك واللي افترا بيقع في حباله
الجعان يفضل جعان لو طمعه عَمى عيونه
والشبعان راضي بحاله بيرضى ويدّي بدون ظنونه
رزقك مش بشطارتك ولا بفلوسك ولا بخِداعك
ده الرزق فضل من الكريم يوم يعطيك ويوم يمنعك
فاكر لما كنت معدوم؟ فاكر لما كنت بتبكي؟
ما تفتريش عَ اللي زيّك الدنيا دوّارة يا صاحبي!
تعليقات
إرسال تعليق
شاركنا رأيك فى موضوعاتنا .