فوق الاربعين .. محسن سمير .. محسن الورداني

 فوق الأربعين

بعد الصحاب.. والناس.. والفرحة والأنين،

بعد الضحك بجنون.. والحزن الدفين،

بعد الفلوس اللي راحت.. والزنقة والتكوين،

بعد الظلم.. والنصيب.. والخبط في الحيط.. واليقين!

فوق الأربعين

لقيت السعادة في حاجات بسيطة،

في ضحكة رايقة.. ونومة هنيّة،

في نسمة فجرك.. في صوت الراديو،

في قعدة هادية.. بونس خفيفة.

فوق الأربعين

مابقتش أندهش بالبشر،

ولا بالكلام المعسول المرمر،

بقيت أحب الصحبة الصافية،

الناس العادية.. بقلب أخضر.

فوق الأربعين

تصالحت مع روحي خلاص،

مش لازم أكون الأشيك ولا الأساس،

مش لازم أسبق ولا أكون الأهم،

يكفيني راحتي.. ده أحلى إحساس.

فوق الأربعين

شفت إن النعمة الكبيرة،

حياة بسيطة.. وراحة البال

لا دوشة فيها.. ولا احمال 

ربك كريم.. والدنيا قصيرة.