خد بالك يا صاحبي من الحرام بقلم محسن سمير .. محسن الورداني
خد بالك يا صاحبي من الحرام
السرقة عار.. وذل وهوان
المال الحرام ما يعمِّر بيت
ويفضل صاحبُه ذليل متهان
تشوف فلوسه تقول سعيد
لكنها نار جوَّه الوريد
مهما يخبي.. ومهما يزيد
في لحظة يضيع.. ويبان الخسران
الراجل يعيش بشقاه وكدّه
ورزقه دايماً يجيله عنده
لكن اللي يمشي ف طريق سهل
يلاقي نهايته تعب ويزيد همه
يوم الحساب ما فيش مراوغة
ولا حد يقدر يكون مخادع
اللي سرق يحصد ندامة
واللي صبر يلقى المكاسب
عيش بالحلال.. ومتخفش أبداً
ورزقك مكتوب.. والخير موجود
بس احذر السرقة.. مهما كانت
تسرق.. تضيع.. وتفضل مفقود
تعليقات
إرسال تعليق
شاركنا رأيك فى موضوعاتنا .