حلم العمر بقلم محسن سمير ( محسن الوردانى )
حلم العمر
حلمت بيها ف يوم ما اعرفهاشضحكتها نور… وسحر ما يتوصفش
كل ما أشوفها ف حلمي، يجيني خير
والدنيا تضحكلي، ما تكدبش
مرة شُفتها بتبصلي بحنية
لقيت الرزق جايلي ف ثانية
مرة نادتني بإسمي بهمس
لقيت قلبي فرحان وعيني مليانة
سنين تمرّ، والحلم يزيد
وأقول ده وهم؟ ولا تأكيد؟
لحد ف يوم، ف وقت غريب
لقيتها قصادي، مافيش تجديد
هيّا هيّا، نفس العيون
نفس الضحكة، نفس الجفون
قلبي ساعتها مال وقال
"هي دي اللي حلمت بيها طول العمر!"
حبيتها حب مالوش حدود
عايزها معايا ف كل الوجود
مش بس دنيا… ده لحد الجنة
نعيش سوى بعشق وهنا
يا رب اجمعني بيها بخير
واكتب لنا فرحة ما تفوتش غير
حلم العمر… بقى حقيقة
والمكتوب، بفضل الله، يصير!
تعليقات
إرسال تعليق
شاركنا رأيك فى موضوعاتنا .